Google ka vendosur të ridërgojë një mesazh drejt Apple për sa i përket dërgimit të mesazheve. Prej shumë vitesh përdoruesit kanë bërë ankesa në lidhje me diferencën e dërgimit të mesazheve në dy platformat e ndryshme: iMessage dhe Google Messages që përdor teknologjinë RCS.
Të dyja platformat ndihmojnë mesazhet normale me shërbime të ndryshme si imazhe me kualitet të lartë, përmirësime në siguri, reagime e shumë të tjera. Mirëpo ngaqë platformat nuk janë të përshtatura, mesazhet midis iPhone dhe Android rikthehen në tekste normale, duke mos përfituar nga të gjitha shërbimet e veçanta të aplikacioneve përkatëse.
Kjo mungesë e ndërveprueshmërisë është shumë e bezdisshme për disa persona. Tekstet nga pajisjet Android në iPhone shfaqen me një flluskë jeshile, ndërkohë që mesazhet nga iPhone në iPhone shfaqen me një flluskë blu.
Mesazhet e dërguara midis iOS-Android rikthehen në formatin SMS dhe MMS, të cilat janë shumë të vjetra sipas Google. Si rezultat, imazhet e dërguara nuk kanë kualitet të lartë, dhe ju nuk mund të shihni nëse mesazhi që keni dërguar është lexuar apo jo.
Google pretendon se kjo diferencë çon në “bullizëm dhe vënie nën presion” në favor të iMessages dhe iPhone. “Nuk është e gjitha vetëm për ngjyrat e flluskave. Janë videot me kualitet të ulët, diskutimi në grupe, mos-dërgimi i teksteve përmes Ëi-Fi dhe shumë më tepër.” thotë Google në website.
