Nënkompania e Nothing, CMF ka prezantuar smartphone-in e tij të dytë modular: Phone 2 Pro. Si pararendësi i tij, ky është një smartphone që lejon shtimin e aksesorëve të jashtëm thjesht duke I vidhosur ato në pajisje.
Telefoni ofron specifika të mira për çmimin e tij, si procesori MediaTek Dimensity 7300 Pro 5G, ekran OLED 120Hz, kamerë të trefishtë dhe 128GB hapësirë ruajtjeje. Pjesa më interesante është përputhshmëria me aksesorë modularë: kapakë të ndërrueshëm, mbajtëse që funksionon edhe si portofol, një litar portokalli për ta vënë në dorë dhe dy lente të jashtme — një për kënd të gjerë (fisheye) dhe një për makro.
Ndryshe nga modeli i mëparshëm, kapaku nuk hiqet më — tani aksesoret vidhosen mbi pjesën e pasme ekzistuese, gjë që ndoshta ka ndihmuar në përmirësimin e rezistencës ndaj ujit (nga IP52 në IP54). Lenteve të reja u jepet më shumë rëndësi, me opsionin për makro që ofron rezultate më të mira sesa kamerat ultra-wide që zakonisht përdoren në telefonat e lirë.
Telefoni në vetvete është premtues: performanca është e qëndrueshme, bateria zgjat gjithë ditën, dhe kamerat, përfshirë një telefoto 50MP, janë mbi nivelin e zakonshëm për këtë kategori çmimi.
Phone 2 Pro vjen me Android 15 dhe do të përditësohet për 3 vite. Fillon nga €249 në Evropë, ndërsa aksesorët do të jenë të kufizuar dhe fillojnë nga €25.
