Me sa duke bashkë-themeluesi i kompanisë Apple, Steve Wozniak nuk është i lumtur me punën që kompania ka bërë në serinë më të fundit të iPhone-ve.
Në një intervistë për Yahoo News, Wozniak tha se ai nuk ishte në gjendje të bënte dallimin midis iPhone 12 dhe 13. E njejta gjë shkonte dhe për serinë e re të Apple Watch.
“Software që gjendet në to aplikohet dhe në iPhone-t e vjetër, gjë që mendoj se është pjesa e mirë. Në teknologji ti duhet të ruash hapin e avancimit me teknologjinë më të re, mirëpo kur ti je 5-7 vite më pas dhe kjo gjë po funksionon ende, atëherë ti i dorëzohesh nivelit të shitjeve.” tha Wozniak.
Në 2017 bashkë-themeluesi i Apple tha se ai nuk do të blinte iPhone X që sapo ishte prezantuar, pasi shprehu qartë dyshimet e tij mbi Face ID. Nga ana tjetër ai tha se ishte shumë i kënaqur nga iPhone 8, i cili ishte i ngjashëm me iPhone 6 dhe 7.
Pasi Tim Cook i dërgoi një iPhone X, Wozniak e kritikoi këtë smartphone duke thën se produktet më të herëshme të Apple ishin më intuitive më të thjeshtë për t’u përdorur.
Gjatë kohëve të fundit Steve Wozniak ka dhënë mendimin e tij pro në lidhje me të drejtën e riparimit, një mendim që bie ndesh me shumë kompani në të gjithë botën.
