Sa herë që publikohet një update i madh iOS, ka shumë përdorues që ankohen se bateria e tyre nuk zgjat më aq sa para se të update-onin pajisjen e tyre.
Megjithatë Apple ka konfirmuar se kjo gjë është e vërtetë dhe tepër normale. Sistemi operativ pas një update-i është gjatë gjithë kohës duke kryer veprime në sfond, duke optimizuar të gjitha të dhënat e ndryshme, duke konsumuar më shpejt baterinë. Gjithashtu nuk mund të lëmë pa përmendur dhe se menaxhimi i baterisë rregullohet nga algoritme të sofistikuara që kërkojnë kryerjen e disa cikleve karikim-shkarkim para se të përshtaten.
Përmes një komenti “të rrallë” mbi këtë diskutim, Apple Support Twitter konfirmoi se rënia e baterisë ndodh me të vërtetë.
Thanks for reaching out! We’ll be happy to help. It’s normal for your apps and features to need to adjust up to 48 hours after an update.
Let’s have you reach out to us in a DM if this is still an issue after that time so we can help you look into this further.
— Apple Support (@AppleSupport) March 19, 2022
Sipas Apple, rënia e shpejtë e baterisë është e zakonshme pas një update-i iOS, por rregullohet vetë brenda 48 orëve. Prandaj nëse ju sapo keni update-uar pajisjen tuaj dhe vini re se bateria nuk zgjat shumë, mos u merakosni. Përdoreni iPhone-in tuaj normalisht për disa ditë dhe kontrolloni sërisht jetëgjatësinë e baterisë tuaj.
Nëse jetëgjatësia e baterisë përkeqësohet me kalimin e ditëve, atëherë do t’ju duhet të kërkoni ndihmën e një personi profesionist në këtë fushë.
