Portat USB-C dhe kabllot e karikimit që pritet të vijnë në iPhone 15 dhe iPhone 15 Pro me shumë mundësi do të jenë të pajisura me një çip vërtetues njësoj si në portën Lightning, duke limituar funksionalitetin e portës nëse përdoren aksesorë jo të aprovuar nga Apple.
Ky raportim i shpërndarë në Weibo tregon se Apple ka zhvilluar një variant të sajin të USB-C për linjën e iPhone 15. Ndërfaqjet e qarqeve të integruara janë proçesorë gjysëmkonduktorë që menaxhojnë shpërndarjen e informacioneve midis pajisjeve. Që nga prezantimi i tyre në 2012, portat dhe kabllot Lightning të çertifikuara përmbanin një qark të integruar që konfirmonte vërtetësinë e pjesëve të përfshira në lidhje. Pjesët e tjera jo të çertifikuara nuk e kanë këtë çip të pranishëm, gjë që limiton funksionalitetin e këtyre pjesëve.
Ky çip që verifikon produktet e çertifikuara inkurajon përdoruesit e produkteve Apple të blejnë pjesë të çertifikuara në mënyrë që kompania të marrë përqindjen e fitimit nga shitja e këtyre komponentëve, duke luftuar produktet e imituara dhe aksesorë të tjerë të që kompania i quan “të dëmshëm”.
Një çip i tillë pritet të jetë i pranishëm dhe në portën USB-C dhe kabllot e karikimit që do të përdoren për të karikuar apo transferuar të dhëna nga përdoruesit e iPhone 15.
