Dënimi i lojtarëve toksikë të cilët janë gjatë gjithë kohës të nevrikosur është një sfidë e madhe për krijuesit e lojrave. Dhe pse ato vazhdojnë të shpenzojnë shumë para dhe kohë në këtë drejtim, nuk kanë arritur ende të zbulojnë një teknikë efektive për të zgjidhur këtë problem.
Tashmë Xbox duket se ka gjetur një metodë shumë më efektive për të dënuar lojtarët toksikë, sistemi “Strike”. Të gjithë lojtarët që raportohen për një sjellje të pahijshme në Xbox Live do të marrin një “strike” ose disa të tilla, deri në momentin kur grumbullohen 8 të tilla. Për shembull, sharjet dhe mashtrimet do të dënohen me një 1 strike, ngacmimi i synuar do t’ju sjellë 2 strikes dhe gjuha e urrejtjes do t’ju dënojë me 3 strikes.
Në rast se ju grumbulloni 8 strikes në një periudhë kohore më të shkurtër se 6 muaj, atëherë ju nuk do të mund të aksesoni shërbimet sociale të Xbox online për një periudhë 1 vjeçare. Megjithatë ju mund të vazhdoni të luani lojrat tuaja në modalitetin offline.
Le të shpresojmë se kjo lëvizje do të mundësojë një zbatim më të qëndrueshëm të rregullave në Xbox, megjithëse disa do të argumentonin se 8 goditjet janë “dënime të buta”. Do të donim gjithashtu të shihnim ndonjë shpërblim për sjelljen e mirë të vazhdueshme, ndoshta njerëzit me rekorde të mira afatgjata mund të marrin zbritje të veçanta ose një lloj përmbajtjeje ekskluzive.
