Call of Duty: Modern Warfare do të publikojë versionin e parë beta gjatë muajit të ardhshëm, ku lojtarët në PlayStation do të fitojnë akses fillimisht, dhe më pas loja do të vijë në Xbox dhe Microsoft. Ky lajm u bë i ditur nga Infinity Ward gjatë turneut CDL Champs. Njësoj si në të gjithë versionet e tjera beta të publikuara, datat janë të ndara në bazë të konsolave dhe personave që kanë porositur këtë lojë.
Në PlayStation 4 dhe 5 versioni beta do të publikohet në datën 16-17 shtator për përdoruesit që e kanë porositur këtë lojë, më pas në datat 18-20 do të testohet falas nga të gjithë përdoruesit e PlayStation. Shërbimi crossplay beta do të jetë i disponueshëm në datat 22-23 shtator në PS, Xbox dhe PC, ndërkohë që crossplay beta e hapur për të gjithë përdoruesit do të zgjasë nga data 24 shtator deri në 26. Çdo sesion do të nisë nga ora 19:00.
Pre-Order now for early access to the #MWII Open BETA!
The #MWII @Playstation Early Access Beta starts September 16, with Early and Open access Betas to follow on all platforms. https://t.co/cLMlBb41mV pic.twitter.com/2GZ0laKE9C
— Call of Duty (@CallofDuty) August 7, 2022
Në CDL Champs, Infinity Ward prezantoi gjithashtu një hartë të re multiplayer, të quajtur Grand Prix, e cila do të jetë e pranishme në versionin beta. Nëse ju nuk e keni porositur këtë lojë, Infinity Ward tregon se do të shpërndajë disa kode beta që do t’ju ofrojnë një akses të hershëm në lojë.
Kompania do të zbulojë më tepër rreth lojrave Call of Duty në eventin e rradhës në 15 shtator. Modern Warfare II do të lançohet në të gjitha platformat në datën 28 tetor.
