Me PlayStation 5 që po futet në stadin e vonshëm të “ciklit të jetës”, disa analistë të industrisë tregojnë se Sony po planifikon të përditësojë konsolën në mënyrë të ngjashme me përditësimin që ju bë PS4 para disa vitesh, duke prezantuar PS4 Pro.
CNBC raporton se analistët tregojnë se versioni i ri i PlayStation 5 me shumë mundësi do të vijë në treg përpara lançimit të Grand Theft Auto VI në 2025. Kjo do të ishte një lëvizje e qëllimshme që të forconte interesin për konsolën përpara lëshimit të lojës, nëse mbështetemi në historinë e së cilës, do të shesë miliona kopje për vitet në vijim.
“Duket se ka një konsensus të gjerë në industrinë e lojërave që Sony me të vërtetë po përgatit një lançim të një PS5 Pro në gjysmën e dytë të 2024,” tha Serkan Toto, CEO i kompanisë së konsulencës së lojërave Kantan Games. “Dhe Sony do të dëshirojë të sigurohet që të ketë gati një pjesë të shkëlqyer të harduerit kur GTA VI të dalë në 2025, një lançim që do të jetë një goditje për të gjithë industrinë e lojrave.”
Pyetja tjetër është nëse kjo do të sinjalizonte një rënie të çmimit për PlayStation 5 bazë ose nëse do të ruante çmimin aktual prej $499. Gjatë një diskutimi, menaxherët e Sony thanë se plani për vitin e ardhshëm është të “optimizojë shitjet me një theks më të madh në balancën me fitimet“, gjë që analisti kryesor i Omida, George Jijiashivili thotë se mund të bëjë që Sony të mbajë PS5 në çmimin e tij fillestar, edhe pas publikimit të versionit të ri.
“Prandaj, një skenar ku Sony prezanton një PS5 Pro, por ende përjeton rënie të shitjeve të harduerit nga viti në vit është shumë brenda fushës së mundësisë,” tha Jijiashvili. PlayStation 4 Pro u lançua në vitin 2016, tre vjet pasi PS4 origjinal u lançua në 2013.
Mendohet se versioni Pro do të ofrojë mundësinë për të mbështetur refresh rate 120 FPS me rezolucion 4K, duke përdorur inteligjencën artificiale për upscaling. Specifikimet teknike për PS5 Pro mund të përfshijnë një procesor 4nm Zen 2, 56 cores GPU dhe memorie GDDR6 18 Gbps. Ky përfaqëson një përmirësim të dukshëm nga PS5 aktual, me shpejtësi të mundshme që arrijnë deri në 4.4 GHz, krahasuar me 3.5 GHz aktuale.
