PlayStation State of Play e nisi vitin 2024 me shumë zhurmë të mërkurën, duke ofruar pamjet dhe informacionet e para për disa nga publikimet më të mëdha që do të vijnë në konsolë në muajt e ardhshëm. Në prezantimin 43-minutësh, zbulimet e Sony përfshin një remake për PlayStation 5 të “Until Dawn“, një version PlayStation të “Dave the Diver” dhe pamje nga “Dragon’s Dogma II” e Capcom.
Më poshtë do të flasim për 5 prezantimet kryesore të bëra gjatë këtij eventi.
Death Stranding 2: On The Beach”
Në një trailer të çuditshëm për “Death Stranding 2: On The Beach”, Fragile e luajtur nga Léa Seydoux zbulon se ajo ka udhëhequr një grup të ri civil, Drawbridge. “Ju e keni bashkuar Amerikën,” i thotë ajo Sam-it të luajtur nga Norman Reedus. “Por kam frikë se Death Stranding nuk ka përfunduar. Njerëzimi është ende në rrezik. Ende në prag të zhdukjes.” Loja, në të cilën do të marrë pjesë edhe Elle Fanning, do të publikohet në vitin 2025.
Stellar Blade
Detajet e para të zbuluara ishin për lojën “Stellar Blade“, historia e ShiftUp për një Tokë post-apokaliptike ku një forcë armike misterioze e quajtur NA:tive ka bërë që njerëzit të largohen në një koloni jashtë botës. Lojtarët luajnë si parashutistja Eve, së bashku me shokët Adam dhe Lily, në udhëtimin e saj për të shpëtuar njerëzimin nga zhdukja.
Rise of the Ronin
Një gameplay e re e lojës së “Rise of the Ronin”, që vjen ekskluzivisht në PS5 më 22 mars, u prezantua me lëvizje mbresëlënëse të cilat e lejojnë personazhin protagonist të vrapojë, të ngjitet, “të fluturojë” dhe të komandojë kuajt. Ndërkohë, në dyluftime, shpatat e gjata japoneze kombinohen me armë të tjera. Lojtarët gjithashtu mund të përmirësojnë me shpikje si Fire Pipe, një flakëhedhëse me teknologji antike.
Silent Hill
Kishte dy prezantime të mëdha në botën e Silent Hill të Konami. Së pari, “Silent Hill: The Short Message“, që sapo u prezantua, mund të luhet falas në PlayStation 5. Në pamjet paraprake, një grua e re kërcen nga maja e një ndërtese dhe zgjohet në një vend të panjohur armiqësor. Ajo nis të lexojë mesazhet e një shoqeje, e cila këmbëngul se nuk mund të largohet nga burgu i saj derisa të gjejë atë që kërkon.
Traileri për një remake për PS5 të “Silent Hill 2” u zbulua gjithashtu, por data e lançimit nuk u bë e ditur.
Judas
Loja më e fundit e krijuesit Ken Levine, “Judas”, sapo shfaqi trailer-in e ri në këtë event. Pamjet e lojës duken mjaft të çuditshme, ku personazhi kryesor përballet me robotë armiqësorë, situata mjaft të vështira ku i duhet të luftojë për të mbijetuar, madje dhe kundër një dinosauri me armë gjahu të veshur me një kapelë kauboj. Nuk u fol për asnjë moment për datën e lançimit të kësaj loje.
