Me të vërtetë që u nevojit pak kohë, mirëpo tani ju mund të luani lojrat e Xbox në TV tuaj pa patur nevojë të blini një konsolë, për sa kohë keni një TV Samsung. Aplikacioni Xbox është tashmë i disponueshëm në televizorët smart dhe monitorët më të fundit të Samsung, dhe ai do të bëjë të mundur që ju të luani lojrat në katalogun e madh të Game Pass Ultimate direkt nga televizori juaj.
Ky mund të jetë një lajm jo i ri për të gjithë personat që kanë luajtur lojra në Xbox Cloud apo Google Stadia, mirëpo vlen të tregohet se të gjitha lojrat luhen pa asnjë ndërprerje, me load speeds shumë të shpejta.
Në një televizor të madh dhe kur qëndroni në këmbë, luajta e Flight Simulator kthehet në një eksperiencë tepër qetësuese. Mjafton të zgjidhni destinacionin tuaj, dhe thjesht të fluturoni.
Sigurisht, jo gjithçka është perfekte. Mos prisni që cilësia e imazhit të jetë 4K apo të keni refresh rate përtej 60fps, pasi kemi të bëjmë akome me cloud gaming. Pyetja e vetme që mbetet është mundësia për të luajtur lojrat e Xbox në Samsung Game Hub për kohë të gjata. Kjo gjë mund të kuptohet vetëm përmes një testimi disa orësh.
Për momentin, ky shërbim është i limituar në monitorët dhe televizorët të vitit 2022 nga Samsung, dhe nuk është ende e qartë se si Microsoft do të sjellë Xbox Cloud në ekrane të tjera të mëdha të pa lidhura me konsola.
