Me sa duket epokës së Jim Ryan si CEO i PlayStation i ka ardhur fundi. Sony ka lajmëruar përmes një deklarate se Ryan do të largohet nga ky pozicion në mars të vitit 2024, dhe do të zëvëndësohet nga Hiroki Totoki.
Fillimisht Totoki do të bëhet drejtues i Sony Interactive Entertainment në tetor të këtij viti dhe më pas do të jetë CEO i përkohshëm i kompanisë duke nisur nga 1 prilli, pas dorëheqjes së Ryan.
“Pas 30 vjetësh, kam marrë vendimin të tërhiqem nga SIE në mars 2024. Kam shijuar mundësinë për të pasur një punë që dua në një kompani shumë të veçantë, duke punuar me njerëz të mrekullueshëm dhe partnerë të jashtëzakonshëm,” tha Ryan në një deklaratë.
Totoki shtoi, “Unë do të doja të shpreh mirënjohjen time të përzemërt për Jim Ryan për arritjet dhe kontributet e tij të jashtëzakonshme gjatë karrierës së tij 30-vjeçare në Sony, duke përfshirë suksesin e madh të lançimit të PlayStation 5.”
Ryan ka qenë në qendër të vëmendjes kohët e fundit për përfshirjen e tij në përpjekjen për të parandaluar që Microsoft të blejë Activision Blizzard. Në veçanti, ai pretendoi se nëse Call of Duty do të bëhet një lojë ekskluzive e mundshme e Microsoft-it do të dëmtonte komunitetin e videolojrave dhe blerja në tërësi do të shkelte ligjet e konkurencës.
Ryan gjithashtu mbikëqyri lançimin e PS5 ndërsa Sony po shijonte vitet e tij më dominuese në industrinë e lojërave video me PS4 jashtëzakonisht të suksesshëm. Ai gjithashtu ndryshoi vendimin për të mbyllur dyqanet dixhitale të PS3 dhe PS Vita pas reagimit të fansave. Ryan arriti të mbyllte marrëveshje për shumë nga blerjet e profilit të lartë në Sony, duke përfshirë Insomniac Games, Bungie dhe Housemarque.
