Biznesmeni Sam Bankman-Fried doli ditën e djeshme nga gjykata e Manhattan së bashku me prindërit e tij pasi ato pranuan të firmosnin garancinë pasurore prej $250 milionë. Prindërit e tij pranuan gjithashtu ta mbajnë djalin e tyre në Kaliforni deri sa të përfundojë gjykimi mbi akuzat se ai mashtroi investitorët dhe përdori depozitat e klientëve në platformën e tij të shkëmbimit FTX.
Ndihmës gjyqtari Nicolas Roost ha në gjykatën federale se Bankman-Fried “kreu një mashtrim të përmasave epike”. Roos propzoi që të merreshin masa të forta gjatë lirimit me kusht të këtij personi, duke përfshirë këtu dhe garancinë pasurore prej $250 milionësh, që mund të jetë një ndër vlerat më të mëdha të vendosura ndonjëherë.
Një arsye e rëndësishme se përse Bankman-Fried iu është ofruar lirimi me kusht është sepse ai pranoi të ekstradohej në SHBA nga Bahamas. I ribashkuar me prindërit dhe avokatët brenda gjykatës, Sam u përshëndet me një mbështetës para se të largohej, dhe fotografët nuk e lanë të qetë deri sa ai hipi në makinën e tij.
U vu re se shumicën e kohës Sam nuk foli aspak, vetëm në momentet kur duhet t’i përgjigjej pyetjeve të gjyqtarit.
