Me ndryshimet klimatike që u vunë re gjatë këtij viti, si përshembull temperaturat shumë të larta dhe përmbytjet shkatërruese, shkencëtarët mendojnë se ka ardhur koha që njerëzit të ndërgjegjësohen akoma dhe më tepër rreth këtij problemi.
Kjo është arsyeja se përse ato kanë krijuar një simulues stuhish në Nordborg, Danimarkë. “Beat the Storm” karakterizohet nga dy simulues që lejojnë njerëzit të përjetojnë erërat mbi 160km/h në rastin e një uragani të kategorisë së 2-të.
Troels Nim Andersen, menaxher i projekteve në Universe Science Park, ku këto simulues ndodhen, tregoi: “Beat the Storm fton njerëzit në moshat 5-80 vjeç, duke i dhënë atyre mundësinë të përjetojnë ndjesi që nuk mund të përjetohen në çaste të tjera.” Në këtë garë pjesëmarrësit do të “luftojnë” kundër erërave të fuqishme për të arritur në fundin e tunelit dhe të shtypin butonin e fitores. Efektet speciale mund t’i vendosin këta njerëz në ambiente qytetesh, malesh, pyjesh apo shkretëtirash.
Andersen shtoi gjithashtu se ky aktivitet do të shërbejë si një mënyrë për të eksploruar erën dhe për të rritur interesin rreth këtij elementi të natyrës. “Qëllimi ynë ka qenë gjithmonë që ta bënim shkencën argëtuese dhe duke nxitur vizitorët të bëhen eksplorues dhe zgjidhës të problemeve në të ardhmen.”
Studimet tregojnë se këto ciklone tropikale zakonisht sulmojnë qytetet si Pekini, New York dhe Tokio si pasojë e rritjes së temperaturave.
