Raportimi The IT Landscape: The Future of IT nga Emerging Europe sapo shfaqi disa të dhëna shumë interesante rreth zhvillimit të sektorëve IT në 23 shtete të Evropës Qendrore dhe Lindore.
Ky raportim vendosi në vend të parë Poloninë si vendi më kompetitiv në sektorin IT nga të gjithë vendet e marra në studim. Hungaria dhe Serbia duket se janë vendet që prodhojnë shumë talente, ndërsa klima e biznesit është më e mirë në Estoni, Lituani ,Çeki dhe Slloveni. Vendet e fundit në tabelë zihen nga Bosnja dhe Hercegovina, Maqedonia e Veriut dhe Moldavia.
Po Shqipëria në ç’nivel gjendet?
Është e vërtetë që Shqipëria nuk gjendet shumë lart në renditje, por një fakt interesant është se vendi jonë ka numrin më të madh të studentëve të diplomuar në IT për frymë- 81 në 100,000 njerëz në 2018- dhe pritet që kjo shifër të jetë në rritje. Gjithashtu Shqipëria ofron një pagesë shumë kompetitive në këtë sektor ku mesatarja është 651 euro.
