Administrata e Biden po planifikon të vendosë kufizime në tregtinë me 36 kompani të tjera kineze, ku përfshihet prodhuesi më i madh i proçesorëve Yangtze Memory Technologies, sipas një raportimi të publikuar ditën e enjte nga Financial Times.
Në këtë raportim tregohej se këto 36 kompani do të shtohen në US Entity List “që në fillim të javës së ardhshme”. Kompanitë që shtohen në Entity List e kanë të pamundur kryerjen e transaksioneve me bizneset në SHBA në rast se nuk sigurojnë një liçensë speciale eksporti nga US Department of Commerce.
Kjo është tentativa më e re e SHBA për të bllokuar kompanitë kineze pasi Washington mendon se biznesi me këto kompani, si përshembull blerja e proçesorëve dhe pjesëve të tjera, rrezikon sigurinë kombëtare. Në tetor, administrate prezantoi disa kufizime të tjera mbi transportin e proçesorëve gjysëmkonduktor nga Kina për kompanitë amerikane.
Lista Entity është e njejta listë ku SHBA vendosën dhe kompaninë e teknologjisë Huawei para disa vitesh, gjë që solli një dëm të pariparueshëm për këtë kompani.
Yangtze Memory është një kompani që operon në Wuhan, dhe gjatë kohëve të fundit ka qenë në diskutime me Apple për prodhimin në masë të proçesorëve para se këto diskutime të ndaloheshin në tetor për shkak të presionit nga SHBA.
Mendohet se kjo kompani ka shkelur kufizimet e SHBA duke furnizuar me produkte Huawei.
