Drejtuesi i Qatar World Cup, Nasser Al Khater konfirmoi ditën e enjte se do të zhvillohen disa hapësira të veçanta gjatë botërorit për fansat e dehur, të cilët do të kenë mundësinë të “kthjellohen”. Këto masa janë marrë për të evituar daljen në publik të fansave të dehur, si një alternativë e arrestimit dhe kryerjes së një kohe në burg në respekt të ligjeve të vendit kundër pijeve alkoolike në publik.
Shitjet e alkoolit në Katar janë tmerrësisht të limituara, dhe konsumimi i alkoolit është i ligjshëm vetëm në restorante dhe lokale të cilët kanë një liçensë për të shërbyer. Megjithatë ky ligj është zbutur me ardhjen e Kupës së Botës, dhe alkooli do të shërbehet dhe në zonat e fansave pranë stadiumeve.
Të gjithë fansat që dehen në këtë hapësira do të mbahen aty deri sa të jenë të kthjellët mjaftueshëm, dhe më pas do të lejohen të largohen me një paralajmërim. “Ky vend është dizenjuar për t’u siguruar se ato do të jenë të sigurt për veten e tyre dhe nuk do të jenë një rrezik për të tjerët.”
Një tjetër anashkalim i ligjeve do të jenë dhe të drejtat e LGBTQ+, pasi homoseksualiteti është një vepër penale në këtë shtet. Al Khater tregoi se për herë të parë fansat gay do të kenë mundësinë të mbajnë duart së bashku dhe të shfaqin simbolet e tyre.
