Videoja e një zjarrfikësi zbulon se çfarë mund të ndodhë kur ju flini me derën e dhomës mbyllur, duke frikësuar të gjithë shikuesit.
Në videon e bërë virale, zjarrfikësi @smokemedic fillon duke filmuar një dhomë gjumi tërësisht normale. Krevati është i rregulluar, lodrat dhe veshjet janë të sistemuara dhe asgjë nuk duket jo normale ose e rrezikshme. Mirëpo kur kamera kalon nga kjo dhomë dhe drejtohet për në sallon shfaqet horrori i vërtetë.
Përtej derës së dhomës së gjumit, shtëpia është përfshirë nga një zjarr i tmerrshëm. E vetmja gjë që e shpëtoi këtë dhomë ishte fakti se dera ishte e mbyllur.
@smokemedic Remember to close bedroom doors before sleeping for the night, it could make a big difference. #closebeforeyoudoze ♬ original sound – EC
“Mos harroni të mbyllni derën e dhomës së gjumit para se të shtriheni në darkë, pasi kjo gjë mund të bëjë një diferncë të madhe.” shkruhet në caption-in e postimit.
“Për shkak të materialeve sintetike, mobiljeve dhe ndërtimeve të reja, zjarri përhapet më shpejt se kurrë më parë. Mbyllja e derës ndihmon në ngadalësimin e përhapjes së zjarrit.” lexohet në Close Your Door. ” Studimet kanë treguar se mbyllja e derës mund të bëjë diferencën midis 1,000 gradëve dhe 100 gradëve Celsius në rast zjarri.”
Masa të tjera që mund të merrni për të qenë më të sigurtë në raste zjarri janë instalimi i alarmeve të tymit, zëvëndësimi i baterive të tyre si dhe praktikimi i një plani shpëtimi në rast zjarri.
