Sarah Turner provoi gjithçka që ishte e mundur për të mësuar më tepër se çfarë ndodhi me motrën e saj, e cila u zhduk pa lënë gjurmë në vitin 2001.
Si fillim ajo krijoi një grup në Facebook dhe Instagram të quajtur “Drejtësi për Alissa-n”. Sarah vendosi që të merrte pjesë në intervista me media të ndryshme, duke përfshirë këtu dhe Dateline. Ajo grumbulloi detaje të ndryshme nga podcasts që flisnin për krime, madje regjistroi dhe podcast-in e saj “Voices for Justice”, për të investiguar rolin që babai i saj kishte në këtë ngjarje, pasi ai adoptoi ligjerisht Alissa pasi mamaja e tyre ndërroi jetë.
Më pas Sarah iu drejtua TikTok, ku kishte dëshirë t’i drejtohej audiencave të reja që nuk kishin dëgjuar për rastin e Alissa më parë. Në një nga videot e saj me hashtag #justiceforalissa, Sarah tregon: “Po bëj gjënë e duhur duke luftuar për drejtësinë.”
Për fat të mirë plani i saj funksionoi. Pas shumë vitesh, juria e madhe e Maricopa County dënoi Michael me akuzën për vrasje të qëllimshme të paparamenduar. Sarah ka më tepër se 1 milionë ndjekës në TikTok dhe poston gjatë gjithë kohës përmbajtje ekskluzive për Alissa. Në një video ajo rikujotn ditën që motra e saj 12 vjeçare u zhduk. “Dhoma e saj ishte shumë rrëmujë, telefoni Nokia i saj ishte aty së bashku me një shënim ku tregohej se ajo ishte larguar për në Kaliforni për t’ia dalë mbanë vetë.”
7 vite më vonë policia bëri një zbulim shokues në shtëpinë e Michael: bomba artizanale, 3 mjete ndezëse dhe dy silenciatorë.
Sarah vendosi gjithashtu të takonte Michael në 2017 pasi ai doli nga burgu për të mësuar më tepër rreth tij, por ai refuzoi t’i jepte përgjigje. Ajo shtoi se do të bëjë video në TIkTok deri sa vrasësi i motrës së saj të vijë para drejtësisë.
