January 29, 2022

MrBeast krijon versionin real të Squid Game me një çmim për fituesin prej $456,000

MrBeast krijon versionin real të Squid Game me një çmim për fituesin prej $456,000

Deri më tani ka patur disa tentativa për të sjellë në jetën reale kompeticionin që zhvillohet në serialin mjaft të famshëm Squid Game. Tashmë në YouTube ju keni mundësinë të shikoni këtë version real tepër të frikshëm të krijuar nga MrBeast.

MrBeast është një youtuber mjaft i njohur i cili ka arritur të tërheq shumë fansa në të gjithë botën falë organizimit të kompeticioneve të ndryshme nga të cilat fituesit shpërblehen me shuma të mëdha parash.

Deri më tani video e versionit real të Squid Game ka arritur mbi 4 milionë shikime që nga dita e publikimit. Në të përfshihen lojërat e ndryshme si Red Light, Green Light, Honeycomb (Dalgona) dhe Marble, të cilat në serialin Squid Game shkaktuan shumë vdekje.

Pjesëmarrësit në këtë kompeticion veshin uniformat ngjyrë jeshile njësoj si në serial, ndërkohë që organizuesit e këtij eventi veshin kostumet ikonike të kuqe. Çmimi për fituesin është $456,000, dhe ndryshe nga seriali, shuma nuk shtohet sa herë që një konkurent eleminohet.

Seriali mjaft i famshëm i Netflix u kthye shumë shpejt në një nga serialet më të ndjekur në botë. Mirëpo e gjithë kjo famë nuk mund të vinte pa anët e saja negative. Fëmijët që ndoqën këtë serial filluan të grindeshin me njëri tjetrin në shkolla, ndërkohë që në Korenë e Veriut një person u dënua me vdekje pasi futi këtë show në vend.

Thursday, 25 November 2021 15:39 Last modified on Thursday, 25 November 2021 15:45

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo
Kristian Hodo
Klementina Mema

 

 

Geek Room © 2019