Një ish punonjës në Tesla, i cili punoi për vetëm 3 muaj në fabrikën e makinave elektrike në Fremont, California, e përshkruajti ditën që ai u pushua nga puna si një skenë nga filmi The Wolf of Wall Street.
“Në atë çast dukej sikur ishim në një skenë të The Wolf of Wall Street, ku kompania shpërbëhet dhe të gjithë nisin të qajnë.” tha ai për Business Insider.
Punonjësi i pa identifikuar tregoi se vuri re diçka të çudtishme atë ditë kur arriti në punë – supervizori i tij ishte online duke diskutuar me drejtuesin e tij që para se punonjësi të regjistrohej, dhe fill pas përfundimit të bisedës, supervizori i dërgoi një email ku i kërkonte të bisedonte.
Pasi shkoi në zyrën e supervizorit, ai mori vesh lajmin e keq se ai duhet të largohej nga vendi i punës. “Mbeta disi i surprizuar, pasi nuk prisja të largohesha nga puna vetëm 3 muaj pasi isha punësuar. Çfatë kuptimi ka të më punësosh për 3 muaj dhe më pas të më largosh?” tha ai.
Kur doli në korridor punonjësi pas që kishte dhe shumë persona të tjerë që po qanin, duke mbajtur peceta në duart e tyre. ”Unë njoha disa prej këtyre punonjësve që ishin me vizë pune, dhe nuk e di se si situata e tyre është aktualisht.”
“Problemi i vërtetë është se unë e pëlqej Elon Musk, thjesht shpresoja që ai të na dëgjonte më tepër. Shumë njerëz ishin të pakënaqur kur ai ndryshoi politikat e punës.” shtoi ai.
