Gjithmonë është menduar se sateliti i vetëm natyral i Tokës, Hëna, ruante një largësi konstante nga planeti ynë për shkak të tërheqjes gravitacionale. Megjithatë shkencëtarët në NASA kanë zbuluar se një gjë e tillë nuk është e vërtetë.
Me sa duket lidhja midis Tokës dhe Hënës ka nisur të dëobësohet, duke bërë që planeti ynë të rrotullohet më ngadalë dhe të kërkojë më tepër kohë për të plotësuar një rrotullim të plotë gjatë një dite.
Shkencëtarët kanë zbuluar përmes studimeve të tyre se më parë Hëna ka qenë më pranë Tokës. Ato arritën në përfundimin se sa më pranë Tokës të jetë Hëna, aq më të shkurtra janë ditët në Tokë.
Shkencëtarët e NASA besojnë se 1,4 miliardë vite më parë në Tokë, dita zgjaste vetëm 18 orë, 6 orë më pak se 24 orët me të cilat ne jemi mësuar në ditët e sotme.
“Një nga ambiciet tona ishte që të përdornim astrokronologjinë për të zhvilluar një shkallë kohore gjeologjike në kohët shumë të lashta. Ne dëshirojmë që të jemi në gjendje të studiojmë shkëmbinjtë që janë miliarda vjeçarë në një mënyrë të ngjashme si studiojmë proçeset moderne gjeologjike.” tregon Stephen Meyers, profesor në University of Wisconsin-Madison. Astrokronologjia është metoda e ndërlidhjes midis teorisë astronomike dhe observimeve gjeologjike.
Nga zbulimet e tanishme, kemi mësuar se Hëna po i largohet Tokës 3.82cm çdo vit.
