Organi drejtues i Formula 1, FIA ka zbuluar grupin e rregulloreve për një garim “më të shpjetë, konkurrues, më të sigurt dhe më të qëndrueshëm” që do të përcaktojë sportin nga viti 2026 dhe më tej.
Rregulloret e rishikuara aerodinamike do të funksionojnë së bashku me rregullat e reja të njësisë së energjisë, të cilat përfshijnë rritjen e fuqisë së baterisë dhe përdorimin e karburanteve 100% të qëndrueshme.
Nga viti 2026 e tutje Formula 1 do të ketë:
- Makina më të shpejta, të cilat janë 30 kg më të lehta duke qenë njëkohësisht më të afta të garojnë në pistë
- Një njësi energjie e ridizenjuar që përmban fuqi të shtuar të baterisë dhe një ndarje të barabartë midis motorit me djegie të brendshme dhe energjisë elektrike plus përdorimin e karburanteve 100% të qëndrueshme
- Aerodinamikë aktive në formën e krahëve të lëvizshëm përpara dhe të pasëm për të lejuar garimin e afërt
- Rritja e mundësive të parakalimit përmes prezantimit të një sistemi të ri që u jep shoferëve një shpërthim të shkurtër të fuqisë shtesë të baterisë kur është në një distancë brenda një sekonde nga makina përpara
- Siguria e përmirësuar përmes strukturave më të forta dhe testeve edhe më të ashpra
- Angazhim nga një numër rekord prej gjashtë prodhuesve të njësive të energjisë
Rregulloret e vitit 2026 tani janë vendosur të ratifikohen nga World Motor Sport Council më 28 qershor.
