Musk nuk po parapëlqen të përballet në gjykatë me Twitter. Pasi avokatët e tij prezantuan një argument 165 faqësh për të shpjeguar se përse ai nuk dëshiron të përmbyllë blerjen e Twitter për $44 miliardë, Musk tashmë ka sugjeruar që ta zgjidhin problemin në publik, përmes një debati me CEO-n e Twitter mbi bots që gjenden në platformë.
“Në këtë mënyrë dëshiroj të sfidoj @paraga në një debat publik rreth përqindjes së bots në Twitter.” shkruajti Musk para 102 milionë ndjekësave të tij. “Le t’i japim mundësinë atij t’i provojë publikut se Twitter ka <5% përdorues ditor të rremë apo spam!”
I hereby challenge @paraga to a public debate about the Twitter bot percentage.
Let him prove to the public that Twitter has <5% fake or spam daily users!
— Elon Musk (@elonmusk) August 6, 2022
Aq shumë i ka pëlqyer kjo ide Musk, saqë këtë tweet e ka bërë pinned në profilin e tij, dhe më pas ai publikoi një sondazh duke pyetur ndjekësit nëse ato mendojnë se Twitter ka më pak se 5% përdorues mujor të rremë në platformë. Dy opsionet e përfshira nga ai janë “Yes” me 3 emoji robotë dhe tjetra “Lmaooo no”.
Deri më tani, 67.2% e përdoruesve kanë votuar “Lmaooo no.”
Megjithatë duket shumë pak e mundur që një gjë e tillë të realizohet, pasi Agrawal apo Bret Taylor nuk kanë patur asnjë përgjigje direkte ndaj këtij tweet-i. Avokatët e Twitter mendojnë se akuzat nga ana e Musk vijnë pasi ai ka përdorur një website të quajtur Botometer për të matur numrin e bots në platformë, e cila sipas tyre nuk është e saktë.
