Zyrat e Twitter u mbyllën në mënyrë të papritur gjatë ditës së enjte pasi qindra punonjës refuzuan të vazhdonin të punonin nën drejtimin e Musk.
Zyrtarët e kompanisë i lajmëruan punonjësit gjatë së enjtes se zyrat do të mbylleshin menjëherë përkohësisht dhe se aksesi nëpërmjet ID do të ishte i bllokuar gjatë kësaj kohe. Kjo gjë u bë e ditur nga dy persona të brendshëm në kompani që ia komunikuan lajmin Insider. Pritet që zyrat të rihapen gjatë ditës së hënë.
Një nga punonjësit aktual tregoi se mbyllja e zyrave është një lëvizje dramatike, e cila ka si qëllim parandalimin e shkatërrimit fizik të zyrave ndërkohë që po punohet për revokimin e lejeve të caktuara.
I was laid off from Twitter this afternoon. I was in charge of managing badge access to Twitter offices.
Elon just called me and asked if I could come back to help them regain access to HQ as they shut off all badges and accidentally locked themselves out.
— Alex Cohen (@anothercohen) November 18, 2022
Mbyllja e zyrave erdhi vetëm një orë pas përfundimit të afatit të vendosur nga Musk për firmosjen e kontratave të reja që do të detyronin punonjësit të punonin për planet “jashtëzakonisht të vështira“ të Elon Musk. Më pak se 50% e stafit prej 4,000 punonjësish të mbetur në kompani firmosën të punonin për “Twitter 2.0” sipas raportimit të Insider.
Ishte aq i vogël numri i personave që pranuan ofertën e Musk saqë ai vetë së bashku me drejtues të tjerë të lartë u përpoqën që të bindin personalisht disa punonjës të rëndësishëm që të qëndronin në kompani.
Kjo është hera e dytë që zyrat e Twitter mbyllen papritur që nga koha që Musk bleu Twitter. Hera e parë ishte gjatë kohës që Musk pushoi një numër të madh punonjësish në Twitter rreth 3 javë më parë.
