Edward Snowden, një ish nënkontraktor sigurie i cili publikoi në internet dokumente të shumta rreth mbikëqyrjes sekrete nga US National Security Agency dhe më pas u largua direkt për në drejtim të Rusisë, tashmë ka marrë nënshtetësinë ruse nga Vladimir Putin ditën e hënë. Kjo gjë bëhet e ditur përmes një raportimi të Reuters.
Pasi jetoi në azil që nga 2013, Snowden arriti të marrë nështetësinë së bashku me 71 persona të tjerë përmes një dekreti të firmosur nga Putin. 39 vjeçari publikoi një tweet ditën e hënë se tashmë do të ketë më tepër stabilitet për familjen e tij, duke cituar këtu një tweet prej 2 vitesh më parë ku tregohej se ai dhe gruaja e tij do të aplikonin për nënshtetësinë ruse.
After two years of waiting and nearly ten years of exile, a little stability will make a difference for my family. I pray for privacy for them—and for us all. https://t.co/24NUK21TAo pic.twitter.com/qLfp47uzZ4
— Edward Snowden (@Snowden) September 26, 2022
Antony Kucherena, avokati i Snowden tregoi për median ruse RIA Novosti se dhe gruaja e Snowden, Lindsay Mills, është gjithashtu në proçesin e aplikimit për nënshtetësinë ruse. Snowden do të shpëtojë gjithashtu nga mobilizimi ushtarak kundër Ukrainës pasi ai kurrë nuk shërbeu në ushtrinë ruse.
Autoritetet amerikane kanë kërkuar prej shumë kohësh ekstradimin e Edward Snowden sërisht në SHBA por janë përballur me rezistencën e Rusisë.
