Elizabeth Holmes, themeluese e turpëruar e kompanisë Theranos, ka filluar të vuajë një dënim 11-vjeçar në burg pasi u dënua për katër akuza mashtrimi.
Asaj iu refuzua kërkesa për lirim me kusht gjatë muajit maj pasi po pritej vendimi i gjykatës së apelit dhe tani ndodhet në një burg të sigurisë së ulët në Teksas. Burgu i ndodhur në Bryan, ka kapacitet për 500-700 të dënuar në çdo kohë dhe në të vuajnë dënimin zakonisht personat që kanë kryer krime të me motive ekonomike.
Holmes mund të punojë bashkë me të dënuar të tjerë dhe të fitojë ndërmjet 12 cent deri në $1.15 në orë, ndërkaq një pjesë e kësaj shkon për dëmshpërblimin e urdhëruar nga gjykata. Ajo dhe ish-partneri i saj, Ramesh Balwani, u detyruan të paguanin 452 milionë dollarë drejt personave që ishin viktimë e skemës së tyre.
Balwani po vuan tashmë një dënim 13-vjeçar. Theranos, që më parë vlerësohej rreth 9 miliardë dollarë, mashtronte investitorë të shquar me pretendime të rreme rreth teknologjisë së saj të analizimit të gjakut para se gjithçka të kuptohej në vitin 2018.
Burgimi i Holmes shërben si një paralajmërim për drejtuesit e Silicon Valley rreth praktikave mashtruese, të cilat kanë ndodhur jo rrallë herë.
