Evropa ka shtyrë përdorimin e lejes së udhëtimit ETIAS për më shumë se 1.4 miliardë njerëz deri në vitin 2025, sipas raporteve më të reja në media.
The European Travel Information and Authorisation System (ETIAS) është një leje udhëtimi e planifikuar që do të kërkohet nga shtetasit e më shumë se 60 vendeve për të vizituar shumicën e vendeve të zonës Shengen.
Data e planifikuar për nisjen e përdorimit të ETIAS është shtyrë, sipas një raporti nga SchengenVisaInfo.com, duke cituar burime të BE-së.
Kur të nisë përfundimisht përdorimi i kësaj leje, udhëtarët nga vendet duke përfshirë Emiratet e Bashkuara Arabe, MB, SHBA, Australi dhe Kanada do të duhet të aplikojnë për një leje udhëtimi ETIAS përpara se të lejohen të udhëtojnë në rreth 30 vende evropiane, duke përfshirë Francën, Gjermaninë, Spanjën dhe Italinë.
Edhe pse leja ETIAS nuk është vizë, ajo është e lidhur me pasaportën e një udhëtari. Nuk do të jepet asnjë vulë fizike ose ngjitëse, por do të ruhet një regjistrim dixhital.
Një zyrtar i paidentifikuar i BE-së tha: “Fillimisht kishim shpresuar që EES të bëhej funksionale deri në fund të këtij viti ose më vonë, në fillim të vitit të ardhshëm. Për shkak të vonesave të paparashikuara, është bërë evidente se ky afat kohor është i paarritshëm. Si rezultat, zbatimi i ETIAS është riprogramuar në maj 2025, me mundësi shtyrje të mëtejshme.”
Pasi të jepet një leje e vlefshme udhëtimi ETIAS, ajo do të jetë e vlefshme për tre vjet, megjithëse do të kërkohet një dokument i ri nëse pasaporta skadon ose zëvendësohet. Leja e udhëtimit ETIAS mund të përdoret për hyrje të shumta dhe për qëndrime deri në 90 ditë.
Dhe qytetarët nga Shqipëria, Mali i Zi dhe Maqedonia duke nisur nga viti 2025 do të kenë nevojë të pajisen me një leje ETIAS për të udhëtuar në këto shtete:
- Andorra
- Austri
- Belgjikë
- Bullgari
- Kroaci
- Qipro
- Çeki
- Danimarkë
- Estoni
- Finlandë
- Francë
- Gjermani
- Greqi
- Hungari
- Islandë
- Itali
- Letoni
- Lihtenshtajn
- Lituani
- Luksemburg
- Maltë
- Monako
- Holandë
- Norvegji
- Poloni
- Portugali
- Rumani
- San Marino
- Sllovaki
- Slloveni
- Spanjë
- Suedi
- Zvicër
- Vatikan
