Porsche po zgjerohet përtej makinave sportive duke prezantuar një kartë krediti të re, e dizenjuar për të ofruar shumë më tepër sesa funksione klasike pagese. “Porsche Card” është menduar si një përvojë e plotë mobiliteti, lifestyle-i dhe aksesesh digjitale, duke e lidhur përdoruesin drejtpërdrejt me ekosistemin e markës.
Karta vjen në dizajn metalik premium, me skaje të lustruara dhe sipërfaqe të punuar në detaje. Përveç versionit standard në të zezë, ajo ofrohet edhe në gjashtë ngjyra ikonike të makinave Porsche, nga Carmine Red te Irish Green e deri te Star Ruby Neo. Logoja e gdhendur e markës forcon identitetin minimal dhe elegant.
Në zemër të shërbimeve që ofron janë lehtësitë e mobilitetit: akses global në lounge-t e aeroporteve përmes Priority Pass, çmim i zbritur i parkimit në aeroporte, si dhe oferta “First Hour Free” në parkimet Apcoa. Karta funksionon edhe si kartë karikimi për rrjetin Charging Service, duke e bërë të thjeshtë përdorimin e modeleve elektrike të Porsche. Për më tepër, në stacionet Shell aplikohen kushte të favorshme për karburantin Super Plus.
E integruar plotësisht në aplikacionin My Porsche, karta mund të merret menjëherë në formë virtuale përmes Instant Issuing. Përdoruesit përfitojnë edhe trajnim në Porsche Experience Events dhe cashback 0.25% pa limit. Karta është e gatshme për Apple Pay dhe vjen me paketën standarde të sigurimeve.
Enfuce nga Finlanda është ofruesi, Visa merret me procesimin e pagesave, ndërsa banka suedeze Nordiska ofron kreditimin, një strukturë që synon zgjerim ndërkombëtar.
Porsche Card u prezantua në Gjermani më 11 nëntor 2025 me një çmim vjetor prej 356 €. Zgjerimi në tregjet e tjera evropiane është në plan, ndërsa karta ekzistuese Porsche Card S do të mbetet e vlefshme për disa muaj. Aplikimet janë të hapura përmes aplikacionit My Porsche.
