McLaren do të sjellë një pamje të re plot gjallëri në makinat që do të marrin pjesë në Çmimin e Madh të Monacos, me ngjyrën e verdhë, jeshile dhe blu që të kujton kohërat e legjendës Ayrton Senna.
Kjo veshje e re frymëzohet nga helmeta e Senna dhe është krijuar për të festuar “trashëgiminë e jashtëzakonshme të garave” të brazilianit. Senna është piloti më i suksesshëm i McLaren me 3 tituj kampion bote, i cili ka garuar për ekipin britanik midis 1988 dhe 1993 – gjatë së cilës kohë, ai siguroi 35 nga 41 fitoret e tij në Grand Prix.
McLaren zgjodhi Monacon pasi pista Monte Carlo është bërë sinonim i Senna, brazilianit – i cili ndërroi jetë 30 vjet më parë – duke fituar gjashtë herë në Principatë, duke përfshirë pesë herë radhazi nga viti 1989. Gara do të organizohet pas një fundjave në Imola, vendin ku u aksidentuan fatalisht në pistë Senna dhe shoferi austriak Roland Ratzenberger.
Në Monako, Lando Norris dhe Oscar Piastri do të veshin gjithashtu kostume të veçanta të frymëzuara nga Senna për fundjavë.
McLaren Automotive ka zbuluar gjithashtu një version të vetëm të makinës McLaren Senna, me zbukurimet e pikturuara me dorë nga McLaren Special Operations. “Ekipi është krenar që njeh dhe feston jetën e jashtëzakonshme dhe trashëgiminë e garave të Ayrton Senna-s përmes këtij modeli të McLaren-it”, tha CEO i McLaren, Zak Broën. “Senna mbetet i nderuar dhe i respektuar si ikona më e madhe e Formula 1 dhe shoferi më i dekoruar i McLaren.”
