Pritet që viti 2021 të jetë një hap i madh drejt prodhimit të makinave elektrike në të gjithë botën. Tani do të listojmë disa prej makinave elektrike më të pritura nga publiku.
Audi Q4 e-tron
Audi Q4 e-tron do të jetë një makinë elektrike SUV me madhësi mesatare dhe do të përdorë të njejtën platform MEB si anëtarët e tjerë të Volkswagen Group. Dual Motors do të prodhojnë një maksimum prej 225kWh për sistemin Quattro all-wheel-drive dhe do të arrijë shpejtësinë 100km/h në 6.3 sekonda. Makina do të ketë një autonomi prej 450 km sipas WLTP standart.
Mercedes Benz EQS
Kjo makinë besohet se do të vijë në fundin e 2021 dhe do të jetë seria S e makinave elektrike. E madhe, plot luks, e paketuar me teknologjinë më të fundit dhe pa diskutim do të ofroje një shërbim më luksoz krahasuar me atë që ofron Tesla Model S dhe performancë të ngjashme me rivalin Porsche Taycan.
Skoda Enyaq iV
Makina e parë elektrike e Skoda, Enyaq që kushton rreth £30,000 përdor platformën MEB të Volkswagen. Për të qëndruar midis Octavia saloon dhe 7 vendëshit Kodiaq, Eynaq do të ofrohet me opsione të ndryshme motorike dhe baterie deri në 508 km. Një model performance vRS do të ketë 302bhp dhe premton një 0-100km/h në 6.2 sekonda.
Tesla Roadster
I prezantuar në vitin 2017, Roadster akoma nuk ka arritur të dalë në shitje. Kjo supermakinë sipas të dhënave nga Tesla do të ketë një autonomi prej 1000 km falë baterisë 200kWh. Edhe pse ka peshë të rëndë, Roadster do të kryej 0-100km/h në vetëm 1.9 sekonda dhe shpejtësia maksimale do të jetë 402km/h. Me shumë mundësi makina do të kushtojë $250,000.
Volkswagen ID.4
EV e dytë për tregun në masë e Volkswagen, ID.4 ka të njëjtën platform MEB si ID.3 dhe do të ofrohet me konfigurime të ndryshme, duke përfshirë baterite 52kWh dhe 77kWh dhe kjo e fundit do të ketë autonomi prej 500 km. Kabina minimaliste ofron disa ekrane dixhitale, me një ekran me prekje qendror prej 12 inç. Çmimi besohet se do të jetë rreth £44,000.
Volvo XC40 Recharge
XC40 Recharge do të jetë makina e parë plotësisht elektrike nga Volvo dhe do të përdorë shumë pjesë të ngjashme me Polestar 2. Platforma Polestar duhet të nënkuptojë bateri 300kWh dhe një autonomi prej 400 km. Çmimi besohet se do të jetë rreth £50,000.
