Makina elektrike e parë e dedikuar e Kia-s u prezantua në vitin 2021. Për të qenë sa më konkurrues në një segment tepër sfidues që po rritet dita-ditës kompania ka vendosur të përditësojë modelin EV6.
Duket sikur EV6 i ri vjen nga e ardhmja me fenerët këndorë që i duket sikur janë inspiruar nga EV9. Kia do të sjellë modelin standard dhe EV6 GT-Line, me këtë të fundit që do të ketë një shirit drite të përparme. Dy modelet vijnë me dizajne të ndryshme për parakolpët e përditësuar.
Duke qenë se ky është një facelift, profili nuk ka ndryshuar, megjithëse ju mund të zgjidhni midis madhësive të ndryshme të gomave 19 dhe 20 inç. Edhe pse interiori duket shumë i ngjashëm me modelin paraardhës, EV6 i ri ka një timon të ndryshëm një kornizë të përditësuar për ekranet e dyfishta.
Kia po shton një sistem identifikimi të gjurmëve të gishtërinjve, një ekran 12.0 inç dhe një pasqyrë dixhitale të pamjes së pasme. Gjithashtu një tjetër ndryshim në pjesën e brendshme të makinës është eleminimi i ngjyrës së zezë të ndritshme në hapësirën qendrore.
Pastaj ka ndryshime që nuk janë të dukshme. EV6 ka airbag anësor të rreshtit të dytë dhe shtylla më të trasha për fortësi të shtuar të trupit. Përveç kësaj, motorët elektrikë tani janë më të qetë dhe komoditeti i udhëtimit është përmirësuar duke përditësuar amortizatorët. Për më tepër, ka material shtesë izolues të zërit rreth motorit të pasmë.
Përditësimet over-the-air tani shtrihen përtej sistemit të navigimit ndërsa Android Auto dhe Apple CarPlay janë standarde. Kia po përditëson baterinë e vjetër 77,4 kWh me një paketë më të madhe 84,0 kWh që mund të karikojë nga 10 në 80% në 18 minuta në 350 kilovat.
Kia EV6 Long Range me goma të pasme aktive mund të ofrojë autonomi deri në 500km në vend të 475km të mëparshëm, bazuar në procedurën lokale të testimit. EV6 i përditësuar do të dalë në shitje brenda muajit të ardhshëm, me tregje të tjera që do të pasojnë.
