Nga data 9 deri në 14 shtator 2025, qyteti i Mynihut do të transformohet në një festival unik të lëvizshmërisë, duke mbledhur aktorët kryesorë të sektorit të lëvizshmërisë dhe Geek Room nuk mund të mungojë në një ambient të tillë. Nga datat 8-10 shtator ne do të postojmë në rrjetet sociale të gjitha inovacionet e prezantuara gjatë këtij eventi, prandaj ju ftojmë të na ndiqni në rrjetet sociale të mëposhtme.
Si një platformë kryesore ndërkombëtare për lëvizshmërinë, qëndrueshmërinë dhe teknologjinë, IAA MOBILITY vazhdon të nxisë progresin në shkallë globale.
Çfarë është IAA MOBILITY 2025?
IAA MOBILITY është platforma kryesore botërore për mobilitetin, që fokusohet në teknologji, qëndrueshmëri dhe inovacion. Me një transformim nga panairi tradicional i automjeteve drejt një festivali modern të mobilitetit, ky event bashkon aktorët kryesorë nga industria automobilistike, teknologjia, infrastruktura dhe zgjidhjet e reja mobility.
Kur dhe ku do të zhvillohet?
Eventi do të mbahet nga 9 deri më 14 shtator 2025 në Munih, duke përfshirë dy hapësira kryesore:
- IAA Summit (Messe München): për profesionistët dhe pjesëmarrësit, nga 9–12 shtator (me ditën për shtypin më 8 shtator).
- IAA Open Space (qendra e Munihut): i hapur për publikun e gjerë nga 9–14 shtator, falas.
Tema e këtij viti
Motoja dhe tema kryesore janë “It’s All About Mobility”, që pasqyrojnë qasjen holistike ndaj mobilitetit: nga teknologjitë automobilistike te zgjidhjet për mbrojtjen e klimës, infrastrukturën, softuerët dhe format e reja të lëvizjes si e-bike, mikromobiliteti dhe transporti publik.
Disa nga produktet e shumëpritura dhe inovacione që do të zënë vend të rëndësishëm në edicionin e këtij viti janë:
- Volkswagen do të prezantojë 4 modele të reja elektrike dhe modele speciale në Open Space, për të nxitur ndërveprimin publik
- Volkswagen ID.2X, Kia EV4 dhe PV5 designs, BMW Neue Klasse electric drive, biçikleta e shpejtë nga Specialized, bateritë në gjendje të ngurtë nga BYD, sistemi i ri bZ nga Toyota, Aznom elektrifikon Smart – këto janë disa nga risitë e publikuara deri tani, megjithatë pritet të ketë dhe surpriza të tjera të shumta.
- Opel do të prezantojë modele elektrike emocional dhe energjike, me aksesoren e plotë baterive për çdo model.
- Valeo do të ekspozojë teknologji për automjete “software-defined“, duke përfshirë LiDAR SCALA™ 3 për nivelin 3 të automatizimit, asistent Predictive, dritat mini-LED inteligente dhe prototipa të kabinave me steer-by-wire dhe monitorim të shenjave vitale.
Testimi i nivelit të 3 & 4 të drejtimit autonom në A94
Për IAA MOBILITY 2025, kompania Autobahn GmbH po krijon një zonë ekskluzive drejtimi në autostradën A94 për automjetet me Nivel 3 dhe Nivel 4 automatizimi:
- Niveli 3: Automjeti mund të lëvizë në mënyrë të pavarur në situata të caktuara – për shembull, në autostradë – por shoferi duhet të mbetet i gatshëm të marrë kontrollin pas një paralajmërimi të shkurtër.
- Niveli 4: Automjeti mund të funksionojë plotësisht i pavarur në zona dhe skenarë specifikë. Shoferi nuk ka nevojë të jetë i përgatitur për të ndërhyrë dhe mund të fokusohet në aktivitete të tjera, si puna apo pushimi gjatë udhëtimit. Automjeti duhet të ketë aftësinë të ndalet në mënyrë të sigurt anash rrugës nëse nuk plotësohen kushtet për drejtim autonom. Automjetet e Nivelit 4 mund të lëvizin edhe pa pasagjerë.
Ekspozuesit që do të marrin pjesë në këto testime përfshijnë Mercedes-Benz në Open Space dhe Volkswagen në Summit.
