Nuk ekziston asnjë eksperiencë aq e bukur sa rrethimi nga një simfoni e kombinuar në mënyrë perfekte e audios, e cila më parë ishte e aksesueshme vetëm nga profesionistët në studio, mirëpo tashmë do të gjendet dhe në Volvo EX90.
SUV i ri tërësisht elektrik ofron një sistem audioje që krijon një eksperiencë magjepsëse dhe me rezolucion të lartë. Sistemi Bowers & Wilkins High Fidelity kombinohet mjaft mirë me kabinën më të qetë të prodhuar deri më tani nga Volvo.
Dëgjoni audio siç është konceptuar për t’u dëgjuar
Dhe kur Volvo EX90 ishte vetëm një vizatim në letër, dizenjuesit e kompanisë bashkëpunuan me inxhinierët e audios në Bowers & Wilkins për t’u siguruar se pavarësisht pozicionit ku ju ndodheni në 7 sediljet e makinës, do të kënaqeni nga audio super realistike 3D që vjen nga 25 bokset brenda në kabinë.
“Për Volvo-n e re EX90 zgjedhja e Bowers & Wilkins ishte tepër natyrale dhe kuptimplotë si një partner për sistemin tonë premium të audios. Qasja e tyre shumë e vlerësuar ndaj audios ofron një cilësi dhe përshtatet mjaft mirë me gjuhën tonë të dizajnit.” tha Jorge Furuya, drejtues i Car UX në Volvo Cars. “Kjo eksperiencë premium e audios është ajo që klientët presin prej nesh dhe ne jemi tepër të gëzuar të bashkëpunojmë me një ndër emrat më të respektuar.”
Me vendosjen e optimizuar të bokseve dhe teknologjinë e zhvilluar për studiot, muzika që kalon përmes sistemit 1610W do të vijë drejt veshëve tuaj fiks siç është krijuar nga artistët – një filozofi që Bowers & Wilkins e quan “True Sound”.
Për të përfituar sa më tepër nga këto bokse të mirëpozicionuara, dëgjuesit mund të përjetojnë audion si kurrë më parë në një makinë Volvo me Dolby Atmos. Në EX90, me Dolby Atmos dhe sistemin e bokseve Bowers & Wilkins, që të gjithë personat në makinë mund të kënaqen duke dëgjuar tinguj me thellësi, detaje dhe qartësi më të lartë.
Sistemi i audios është përmirësuar më tepër përmes modaliteteve të ndryshme të dëgjimit, të cilat lejojnë përdoruesit të rregullojnë audion në bazë të shijeve personale.
Studio mode rikrijon qartësinë e tingujve në studion e regjistrimit dhe mund të personalizohet për pasagjerët në çdo sedilje. Individual Stage ju jep ndjesinë sikur artisti po performon enkas për ju, ndërkohë që Concert Hall riprodhon akustikat që gjenden në Concert Hall në Gothenburg.
“Ndërkohë që ne arrijmë një dekadë bashkëpunimi me partnerët tanë në Volvo Cars, jemi të gëzuar të ofrojmë sistemin premium të audios në Volvon e re EX90,” tha Dan Shepherd, zëvëndës president në Bowers & Wilkins.
