WhatsApp, aplikacioni më përdorur i komunikimit në botë, po pajiset me funksione të reja çdo muaj. Platforma po teston shumë funksione të reja çdo javë dhe duket se aplikacioni i mesazheve do të sjellë më shumë opsione të formatimit të tekstit për përdoruesit e saj në Android dhe iOS.
Përveç bold, italic, strikethrough, and underline tani mund të shkruani tekstin në blloqe kodimi, lista me pika, lista me numra dhe blloqe citimi. Këto veçori u zbuluan nga WABetaInfo, të cilët tregojnë rregullisht shërbimet e reja dhe të ardhshme që vijnë në WhatsApp. Siç mund ta shihni në imazhin më poshtë, mund të përdorni karakteret specifike për aktivizimin e këtij formati të tekstit ose dritaren e formatimit të tekstit kur zgjidhni një mesazh.
Falë këtij shërbimi ju mund të shpërndani dhe rreshta kodimi, të cilat në një mesazh normal do të formatoheshin në mënyrë të çrregullt.
Blloqet e citimit mund të përdoren për të theksuar një pjesë specifike të një mesazhi. Mund të zgjidhet duke shtypur > dhe më pas përgjigjen tuaj. Listat me pika mund të krijohen duke përdorur * ose – , ndërsa listat me numra mund të aktivizohen duke përdorur numra, siç tregohet në screenshot-in e mësipërm. Këto veçori janë tani të pranishme në WhatsApp beta për Android me versionin 2.24.2.9 dhe WhatsApp beta për versionin 23.21.1.75 të iOS.
Shërbimet janë aktualisht nën testim beta dhe mund të prezantohen për të gjithë përdoruesit në javët e ardhshme.
