Në rast se ju i pëlqeni grupet në WhatsApp, por mendoni se problemi qëndron në numrin e limituar të pjesëmarrësve, atëherë kemi një lajm të mirë për ju.
WhatsApp po punon për të shtuar mbështetjen për deri në 1,024 pjesëmarrës në secilin grup. Pritet që ky shërbim të vijë shumë shpejt pranë të gjithë përdoruesve. Momentalisht shërbimi është ende në testim beta, dhe vetëm disa prej këtyre testuesve raportojnë se e kanë parë këtë shërbim.
Në qershor WhatsApp shtoi numrin e pjesëmarrësve në një grup deri në 512 persona, dhe tashmë ky numër do të dyfishohet së shpejti.
Nëse ju dëshironi që të jeni ndër përdoruesit e parë që e përfitoni këtë shërbim atëherë duhet të regjistroheni në programin beta të aplikacionit në Android ose iOS. Nëse nuk jeni pjesë e programit beta, do të duhet të prisni deri sa shërbimi të kalojë testimet fillestare dhe më pas të vijë drejt të gjithë përdoruesve. Në rast se shfaqen probleme, mund të duhen dhe disa muaj deri në prezantimin zyrtar të këtij shërbimi.
