Snapchat po përgatitet të zgjerojë më tej shërbimet e inteligjencës artificiale.
Më herët kompania lançoi chatbot-in e tij të fuqizuar nga AI, My AI, i cili tani mund të përgjigjet dhe me një Snap përveç teksteve. Tashmë Snapchat do të prezantojë shërbimin e quajtur “Dreams“, dhe qëllimi i shërbimit është të eksperimentojë përsëri me imazhet e AI – por së shpejti, ato imazhe mund t’ju përmbajnë ju dhe miqtë tuaj në sfonde imagjinative.
Kompania ka zhvilluar këtë shërbim në mënyrë që të lejojë përdoruesit e Snapchat të bëjnë ose ngarkojnë selfie të cilat më pas do të përdoren nga AI në skenarë sipas imagjinatës suaj, siç tregon Steve Moser.
Kjo tingëllon e ngjashme me atë që ofrojnë tashmë aplikacionet e tjera të fotografive me AI në App Store. Një në veçanti – një aplikacion i quajtur Remini – u bë viral muajin e kaluar pasi përdoruesit e TikTok kuptuan se mund të ngarkonin selfiet e tyre në mënyrë që të merrnin foto me pamje profesionale për LinkedIn pa pasur nevojë të paguanin për një set fotografik profesional.
Sidoqoftë, qëllimi i Snapchat është plotësisht i ndryshëm. Ajo e përshkruan Dreams si një mënyrë për të përdorur selfiet e përdoruesve për t’i “transportuar ata në një vend plotësisht imagjinar”.
Për të patur rezultate sa më të mira, Snapchat do të udhëzojë përdoruesit që të shkrepin fotografi sa më të qarta. Përveç vendosjes së vetes në këto “ëndrra” të AI, kompania po zhvillon dhe Dreams with Friends – një shërbim ku përdoruesit u japin miqve të tyre lejen për të gjeneruar këto imazhe të AI me të dy personat të përfshirë, zbuloi Moser.
Referencat që tregojnë për blerjen e shërbimit Dreams mund të nënkuptojnë se kompania do të përpiqet ta monetizojë këtë shërbim, për të rritur përfitimet e saj. Dreams së re po i jepej një vend i dukshëm në aplikacionin e Snapchat, pikërisht në mes të Camera Roll dhe Stories.
