Një deputet republikan nga Texas ka propozuar një projektligj të ri që ka si qëllim largimin e fëmijëve nga rrjetet sociale. Jared Patterson mendon se të gjithë personat nën moshën 18 vjeç nuk duhet të jenë në rrjetet sociale, për shkak se mendon se ato janë tepër të rrezikshme për shëndetin mendor të fëmijëve, dhe e krahasoi atë me përdorimin e cigareve.
“Më parë mendohej se ishte tërësisht e sigurt për t’u përdorur nga të gjithë përdoruesit, mirëpo në të vërtetë rrjetet sociale kanë shkaktuar një rritje të madhe vetëvrasjeve dhe problemeve mendore tek minorenët.” tha ai.
Shumica e platformave si Facebook, Instagram dhe Twitter kërkojnë që përdoruesit të jenë mbi moshën 13 vjeçare për të krijuar një adresë, mirëpo nuk kërkojnë asnjë provë për vërtetimin e moshës.
Nën projektligjin e ri, rrjetet sociale do të detyrohen të verifikojnë moshën e përdoruesve përmes një fotoje të kartës së identitetit dhe do t’i japin prindërve mundësinë për të kërkuar një mbyllje të adresës së fëmijëve.
“Rreziku që rrjetet sociale sjell tek minorenët është e demonstrueshme jo vetëm në studimet e brendshme të kompanive, që reklamojnë produkte të cilat krijojnë varësi, por edhe në rritjen e depresionit, ankthit dhe rastet e vetëvrasjeve që po shikojmë tek fëmijët,” tha Greg Sindelar.
