Google ka vendosur të bëjë disa ndryshime në mënyrën e gjenerimit të rezultateve të kërkimit për t’i dhënë prioritet përmbajtjeve “nga njerëzit, për njerëzit” duke anashkaluar titujt clickbait, të cilat nëpërmjet misterit tentojnë të “vjedhin” klikimin tuaj.
“Ne e dimë se njerëzit nuk e pëlqejnë një përmbajtje që duket se është dizenjuar për të tërhequr sa më tepër klikime nga lexuesit.” tha Danny Sullivan nga Google në një postim në blog. “Të gjithë ne kemi mbetur të mërzitur kur kemi klikuar në një faqje që duket sikur ka informacionin që po kërkojmë, por në të vërtetë nuk e ka këtë zgjidhje.”
Të ashtuquajtura “SEO Spam”, përmbajtjet e shkruajtura me qëllim që të shfaqen sa më lart në rezultatet e kërkimit, kanë qenë një taktikë shumë e përhapur në internet e cila kujdeset më tepër për t’u renditur sa më lart në klasifikim se sa të informojë lexuesit. Prandaj, për të luftuar këtë problem, Google do të lançojë një rifreskim ndihmues gjatë javës së ardhshme.
Ndryshimet kryesore të bëra janë në algoritmin e renditjes që kompania përdor në rezultatet e kërkimit. Në këtë mënyrë do të rreshtohen në krye përmbajtjet që informaojnë dhe ndihmojnë përdoruesit.
