Kompania që prodhon aksesorë gaming, XPG, prezantoi gjatë eventit CES 2022 një mouse i cili ka të integruar një SSD ku ju mund të ruani lojrat tuaja të preferuara.
XPG Vault Gaming Mouse është një mouse me kabëll USB-C të cilin kompania e quan një “librari gaming në pëllëmbën e dorës tuaj”. Ky model prototip suporton deri në 1TB memorie e cila ka shpejtësi transferimi prej 985MB/s. Memoria e brendshme mund të kontrollohet nga aplikacioni i posaçëm “Gaming Launcher Software” i cili do të ofrojë një nivel më të lartë integrimi me XPG Prime Software Ecosystem.
Në pamje të jashtme mouse duket tepër normal, por për të arritur këto shpejtësi transferimi do të duhej një kabull pak më i trashë se normalisht. Kjo nuk është idea më e keqe që ne kemi dëgjuar ndonjëherë, pasi ju mundëson transferimin e të dhënave në një kohë të shkurtër duke hapur hapësirë në kompjuterin tuaj.
Këto produkte të padëgjuara më parë prezantohen shpesh herë gjatë CES për të tërhequr vëmendjen e publikut. Megjithatë përveç mouse-it prototip, XPG prezantoi dhe disa produkte që mund të vijnë në treg gjatë vitit të ardhshëm si PCIe Gen5X SSD, DDR5 RAM dhe një Alpha gaming mouse.
