Kjo mund të mos jetë mënyra e zakonshme e karikimit të telefonit, mirëpo një trotuar i veçantë në Telford ka nisur të gjenerojë elektricitet nga hapat e njerëzve për të fuqizuar dy pika karikimi për smartphone.
Njerëzit të cilët vrapojnë apo ecin në trotuarin e veçantë gjenerojnë elektricitet, i cili përdoret më pas për të karikuar falas smartphone-t e përdoruesve që gjenden në atë zonë. Kjo gjë bëhet e mundur përmes një baterie të polimerit të litiumit, e cila është në gjendje të grumbullojë energjinë e rinovueshme ose të fuqizojë pajisje me ngarkesë të vogël si smartphone-t, dritat e rrugës apo reklamat.
Trotuari është i krijuar nga një shtresë pllakash që përmbajnë gomë dhe çelik dhe mund të prodhojnë 2.1W elektricitet në orë. Çdo pllakë përkulet deri në 5cm kur shkelet mbi të, duke krijuar energji kinetike e cila kthehet në energji elektrike. Qëllimi është që këto trotuare të instalohen në zona me trafik të lartë ku shumë këmbësorë kalojnë gjatë ditës, duke krijuar elektricitet falas.
Kompania britanike Pavegen mundësoi furnizimin me produktet e nevojshme për këto pllaka si pjesë e investimit “On Your Side” për të luftuar ndryshimet klimatike.
