Apple po përgatitet të prezantojë raportin e fitimeve të saj më 3 gusht. Analisti Ming-Chi Kuo foli për atë që mund të pritet nga raporti i fitimeve dhe një nga informacionet më interesante për tremujorin e tretë të Apple ka të bëjë me qasjen e kompanisë ndaj inteligjencës artificiale dhe se si ajo mund të ndikojë në çmimet e aksioneve në afat të shkurtër.
Sipas analistit, “nuk ka asnjë shenjë që Apple do të integrojë të AI në vitin 2024, kështu që është e vështirë të përfitosh nga çmimet e aksioneve të Apple dhe zinxhirit të saj të furnizimit“. Kjo do të thotë që Apple është ende prapa konkurrencës, pasi Microsoft dhe Google po vazhdojnë me prezantimin e shërbimeve të reja.
Mark Gurman tregoi së fundmi se Apple ka zhvilluar GPT-në e vet. Ndërsa inxhinierët e kompanisë po përdorin këtë chatbot, ai beson se përfundimisht AI mund të bëhet një produkt ose pjesë e produkteve si Xcode, Final Cut Pro, etj.
Strategjia e Apple me sa duket konsiston në përdorimin e termave të ndryshëm për të shpallur shërbime të fuqishme AI. Disa fjalë kyçe që Apple ka përdorur prej vitesh janë “machine learning” dhe “neural engine“.
Me modelin e ri të korrigjimit automatik të tekstit, Apple përdor gjithashtu AI për të parashikuar se çfarë do të shkruani ose çfarë keni ndërmend të thoni. Ky është një shërbim AI. Kompania përdor AI për analizimin e fotove dhe do të jetë edhe më interesante pasi aplikacioni Journal në iOS 17 të jetë i disponueshëm më vonë këtë vit, pasi do të kombinojë disa pjesë të informacionit nga iPhone juaj, por pa u larguar ndonjëherë nga pajisja juaj. Apple ka qenë e kujdesshme në “reklamimin” e produkteve AI, pasi njerëzit gjithashtu e shohin këtë teknologji dobët.
