ChatGPT, shërbimi jashtëzakonisht popullor i inteligjencës artificiale (AI) nga OpenAI, aktualisht është një “rrëmujë” kur përdoret për të shkruar artikuj në Wikipedia, thotë themeluesi i platformës Jimmy Wales.
Një artikull i Wikipedia i shkruar sot me ChatGPT-4 është “i tmerrshëm” dhe “nuk funksionon fare“, thotë ai, sepse “me të vërtetë humbet shumë dhe i bën gjërat gabim, dhe i bën gjërat lëmsh në një mënyrë të besueshme”. Ai madje shkon aq larg sa parashikon se që AI të ketë vlera mbinjerëzore, do të duhet një zhvillim prej 50 vitesh.
Por ndërsa ai beson se është e mundur që AI të tejkalojë aftësitë e njerëzve në të ardhmen e largët, ka më shumë gjasa që mjetet e AI të vazhdojnë të mbështesin aktivitetet intelektuale, pavarësisht se janë në një fazë të hershme për momentin.
Pavarësisht kritikave të tij ndaj modeleve aktuale gjeneruese të AI, Wales nuk e ka përjashtuar mundësinë e përdorimit të AI për Wikipedia. “Është një problem i vërtetë dhe padyshim që ne ndjejmë një përgjegjësi aq të madhe sa që bota të varet nga Wikipedia dhe modelet e AI varen nga Wikipedia.”
Ai tha se nëse do të ndërtohej një mjet për të gjetur gabimet në një artikull të Wikipedia-s duke e krahasuar atë me burimet që ai përdor, mund të ndihmonte në zhdukjen e pasaktësive. Ai madje tha se do të konsideronte bashkëpunimin e Wikipedia me një kompani AI open source që mund të përdoret lirisht për të përputhur parimet e Wikipedia-s, por sqaroi se nuk ka asgjë specifike për momentin.
Megjithatë, ai thotë se ky do të ishte një vendim që nuk do të merrej lehtë.
