Ndërkohë që të dhënat e grumbulluara ndeshje pas ndeshje po vazhdojnë të transformojnë industrinë e sporteve, ekipe elitare si FC Barcelona kanë vendosur të shndërrohen në pionerë të teknologjisë.
Nëpërmjet një deklarate në website, MWC Barcelona tregoi se në eventin e këtij viti do të bashkohet dhe Sports Tomorrow Congress, duke bërë të mundur bashkimin e dy inovacioneve unike të Barcelonës nën një çati.
Zhvillimi i këtyre eventeve në një vendndodhje të përbashkët ofron një mundësi të re për bizneset dhe aksionerët në ekosistemet teknologjike apo sportive që të mblidhen, të bëjnë marrëveshje të reja dhe të lançojnë produkte të reja.
Mirëpo çfarë është Sports Tomorrow Congress?
Duke ekspozuar njohuritë e grumbulluara prej dekadash nga FC Barcelona në drejtime të caktuara si inovacionet dixhitale dhe të të dhënave, në AI, shëndet dhe të ushqyerit, Sports Tomorrow Congress lejon ekspertët dhe pjesëmarrësit të shpërndajnë njohuri dhe të diskutojnë rreth të ardhmes së industrisë së sportit.
Këtu do të krijohet një ekosistem sportive unik që do të bashkojë kompanitë lider në treg, universitetet, studentët, startups, atletët dhe investitorët nga e gjithë bota.
Aftësitë kompjuterike gjatë ditëve të sotme janë shumë më fleksibël dhe të përshtatshme, dhe ato mund të grumbullojnë të dhëna për të përmirësuar performancën sistemeve të inteligjencës artificiale.
Sports Tomorrow Congress do të hapë potenciale të reja në botën dixhitale për të nxitur avancimet në botën e vërtetë.
