Sony tha në një deklaratë ditën e martë se kompania zotëron teknologjinë për prodhimin e robotëve humanoid në mënyrë të shpejtë sapo të jetë identifikuar hapësira e përdorimit të tyre në mënyrë efektive.
“Për sa i përket teknologjisë, disa kompani të ndryshme, duke përfshirë këtu dhe Sony, kanë teknologji të mjaftueshme në përdorim për t’i prodhuar menjëherë sapo të bëhet e qartë se si këto robotë do të përdoren,” tha CTO Hiroaki Kitano.
“Ne do të bëjmë një investim në prodhimin e tyre vetëm kur ai të jetë i nevojshëm. Ne shikojmë një potencial në përdorimin e robotëve humanoid, së bashku me të gjithë format e tjera të robotëve.”
Sony lançoi një robot të quajtur Aibo më tepër se 2 dekada më parë. Nga viti 1999 deri në 2006 u shitën më tepër se 150,000 njësi të tilla. Në 2018, Sony prezantoi një version të ri të këtij roboti, dhe shiti 20,000 njësi në vetëm 6 muajt e para.
Robotët humanoid po zhvillohen prej kohësh nga Honda, Hyundai, dhe së fundmi Tesla, me prezantimin e Optimus. Kompania e Musk ka një plan për t’i përdorur këta robotë nëpër fabrika për lehtësimin e punëve të përsëritshme.
