Si pjesë e një tradite të përvitshme, Oprah Winfrey ka publikuar listën (2022’s Oprah’s Favorite Things) me ide dhuratash për festat e fundvitit të ndara në 10 kategori të ndryshme. Lista vjetore e Oprah Winfrey është një udhëzues për blerjet e festave duke përfshirë libra, pajisje teknologjike, produkte bukurie, etj. Pjesë e listës për vitin 2022 është dhe The Freestyle, projektorit portativ që Samsung prezantoi në fillim të këtij viti. The Freestyle vjen me një dizajn minimalist dhe falë veçorive të tij teknologjike, ai ofron tingull me cilësi të lartë, shfaqje realiste të përmbajtjes së preferuar dhe një nivel të ri të përvojës së përdoruesit. Ne ju njohim me veçoritë e këtij projektori shumëfunksional i cili mund të jetë një zgjedhje shumë e mirë për listën tuaj të dhuratave.
Një dizajn kompakt
Gjëja e parë që do të vini re është dizajni dhe madhësia e The Freestyle. Është vetëm 18 cm i gjatë dhe peshon 830 gram, gjë që sjell shumë përfitime. Me formën e tij të rrumbullakët dhe kompakte, mund ta fusni lehtësisht në një çantë shpine dhe ta merni me vete në udhëtimet tuaja ose thjesht ta zhvendosni në një dhomë tjetër pa u munduar. Përveç peshës së tij të lehtë, The Freestyle shquhet për dizajnin e tij elegant dhe modern, i cili përshtatet në mënyrë perfekte me çdo ambient. Jo më kot Samsung ka fituar një medalje të artë në International Forum (iF) Design Award 2022 – një konkurs prestigjioz ndërkombëtar i dizajnit.
Gjithçka që keni dëshiruar në një projektor
Ndryshe nga projektorët konvencionalë, The Freestyle lejon rrotullim deri në 180 gradë, duke ju mundësuar të shfaqni video me cilësi të lartë full HD në çdo sipërfaqe, edhe në tavane, tavolina apo sipërfaqe të pjerrëta. Gjithashtu, një element tjetër dallues është fakti që The Freestyle mund të përdoret edhe si një altoparlant inteligjent ose një ndriçues ambienti. Me ambient mode, përdoruesit mund të dekorojnë murin e dhomës dhe në të njëjtën kohë mund të projektojnë efekte magjepsëse ndriçimi bazuar te muzika si një ‘disco ball’ i vërtetë.
Magjia e ekranit të madh, deri në 100 inç
Nëse mendoni se eksperienca me The Freestyle është e zakonshme, gaboni. Ngjyrat e zbehta, cilësia jo e mirë e figurës i përket së shkuarës. Ju mund të projektoni ekrane nga 30 inç deri në një madhësi të pabesueshme prej 100 inç. Thënë thjesht, mund të krijoni kinemanë në shtëpinë tuaj nga nje distance vetëm 2,5 metra. Veçoria e fokusimit automatik lejon The Freestyle të shfaqë një imazh të pastër kristal në çdo sipërfaqe, në çdo kënd duke siguruar një imazh krejtësisht proporcional çdo herë. Për më tepër, është projektori i parë portativ i industrisë që është i certifikuar nga partnerët kryesorë globalë OTT.
Të gjithë e dinë se eksperienca e audios është po aq e rëndësishme sa e figurës. Altoparlanti i fuqishëm i integruar i The Freestyle ofron tingull të pasur 360 gradë, kështu që do të merrni një përvojë të plotë audio kudo që jeni ulur.
Gati për aventurën tuaj të radhës
The Freestyle ofron veçori të Smart TV, të disponueshme në televizorët inteligjentë Samsung dhe transmeton përmbajtjen direkt nga pajisjet celulare Android dhe iOS. Mund ta kontrolloni projektorin vetëm nëpërmjet zërit tuaj me Samsung Bixby dhe Amazon Alexa të integruara. Gjithashtu, nuk ka rëndësi se ku ndodheni pasi The Freestyle është i pajtueshëm me bateritë e jashtme që mbështesin dalje USB-PD dhe 50w/20V ose më lart.
The Freestyle do të ndryshojë mënyrën sesi ju kaloni kohën e lirë duke e bërë atë më cilësore. Për më shumë informacion, vizitoni: https://www.samsung.com/al/projectors/the-freestyle/the-freestyle-sp-lsp3blaxxh/
