Kina u bë shteti i dytë i cili arriti të ulë në mënyrë të suksesshme një rover në Mars ditën e shtunë. Reuters raportoi se roveri i fuqizuar nga energjia diellore, Zhurong, zbriti shkallët e kapsulës së ulur në sipërfaqjen e Planetit të Kuq rreth orës 2 të mëngjesit.
Udhëtimi i Zhurong në këtë planet nisi në Utopia Planitia, një sipërfaqje e sheshtë e përdorur më parë dhe nga NASA. Utopia Planitia është më tepër se 1931 kilometra larg vendit të uljes së roverit amerikan Perseverance, që u ul në muajin shkurt. Më vonë roveri Zhuron nisi transmetimin e pamjeve të para drejt Tokës nëpërmjet anijes kozmike Tianwen-1, të cilat mund t’i ndiqni në tweet-in e mëposhtëm.
Watch: #Zhurong, China’s first #Mars Rover, has sent back its first footage from the Red Planet, showing it rolling off the ramp to begin its mobile mission pic.twitter.com/Z8V0AUmWIy
— CGTN (@CGTNOfficial) May 22, 2021
Roveri i emërtuar pas perëndisë kineze të zjarrit, ka të integruar një radar Mars Rover Subsurface Explorator, një detektor të fushës magnetike, një monitorues të meteorologjisë dhe një kamera topografike me rezolucion të lartë. Misioni 90 ditor do të konsistojë në studimin e sipërfaqjes dhe atmosferës së Marsit dhe kërkimin për shenja uji ose akulli nën këtë sipërfaqje.
European Space Agency dhe Roscosmos Space Corporation e Rusisë planifikojnë të ulin një rover në Mars në vitin 2022.
