Apple Watch Series 7 do të dalë në shitje në datën 15 tetor, ndërkohë që porositë kanë filluar të merren që në datën 8 tetor. Nëse ju keni dëshirë të siguroni një për veten tuaj, bëni mirë të nxitoni dhe ta porosisni pasi ky produkt do të jetë në numër të limituar.
Leo Gebbie, analisti nga CCS Insight, tregoi për TechRadar se “iPhone 13 ka qenë tepër i pëlqyer nga fansat që nga lançimi dhe shpesh herë stoku në vende të ndryshme është shitur shumë shpejt, pra shumica e personave të cilët nuk e kishin porositur një të tillë nuk mundën ta gjenin dot pajisjen.”
Ai shtoi gjithashtu: “Unë parashikoj se furnizimi me Apple Watch Series 7 do të jetë dhe më i pakët se iPhone 13. E mendoj këtë gjë pasi Apple nuk tregoi një datë zyrtare të daljes në shitje kur prezantoi Apple Watch 7, dhe diferenca midis publikimit të iPhone13 dhe Watch 7 mund të nënkuptojë se kompanisë iu desh më shumë kohë për të siguruar më tepër pajisje.”
Gjatë dy viteve të fundit kompania ka “vuajtur” disi nga furnizuesit e saj, që nga iPhone 12, e cila u publikua në 2 valë të ndryshme për të siguruar se Apple do të prodhonte pajisje të mjaftueshme për të mbuluar kërkesën në treg.
