Biznesi i Apple në Kinë po përballet me një rrezik shumë të madh për shkak të përhapjes masive të COVID-19 në Kinë.
Kompania prej disa kohësh po përballet me probleme në fabrikën me 300,000 punonjës që drejtohet nga Foxconn – prodhuesi kryesor i iPhone-ve në Kinë – nga një lëvizje që nisi që në tetor. Ekspertët i frikësohen përhapjes në masë të COVID-19, pasi qeveria e kinës zbulon se janë infektuar mbi 250 milionë njerëz gjatë javëve të para të dhjetorit, gjë që mund të shkaktojë ndërprerje të prodhimit të iPhone-ve.
Apple e nuhati një problem të tillë, dhe urdhëroi disa nga furnizuesit e saj që të lëviznin disa nga fabrikat e tyre jashtë Kinës për të shmangur problemet e fundit që po hasen në fabrikat në këtë shtet. Në fillim të muajit dhjetor, Kina urdhëroi 6 milionë njerëz të qëndronin të mbyllur në shtëpitë e tyre, të cilët mund të dilnin vetëm për të blerë ushqime ose medikamente.
Analistët parashikojnë se përfitimet e Apple do të bien shumë pak nën rekordin prej $123,9 miliardë që u regjistruar në të njejtën periudhë gjatë vitit të kaluar, duke thyer kështu një vazhdimësi të rritjes së fitimeve që vazhdon prej 14 3-mujorësh.
Pridhuesit e Apple në Taivan, duke përfshirë këtu dhe Foxconn po zhvendosin disa linja prodhimi në fabrikat në Indi, megjithatë tranzicioni i plotë kërkon më tepër kohë. Një analist tregoi se plani origjinal është që në Indi të prodhohen 18% e iPhone-ve në botë, ndërkohë që aktualisht maksimumi që mund të arrihet është vetëm 7-8%.
