Derek Muller, krijuesi i kanalit në YouTube Veritasium, pëlqen të shpjegojë koncepte shkencore të ndërlikuara për 9.5 milionë personat e abonuar në kanalin e tij. Në muajin maj ai publikoi një video rreth një mjeti të quajtur Blackbird që fuqizohet nga energjia e erës.
E krijuar nga ish-inxhinieri Rick Cavallaro, Blackbird është unike pasi mund të lëvizë në drejtimin e erës më shpejt se vetë era për një periudhë kohore të caktuar.
“Unë e dija se ky ishte një problem kundërintuitiv. Për të qenë tërësisht i sinqertë me ju, kur unë e pashë këtë gjë për herë të parë nuk e dija se si ajo funksiononte.” tha Muller për Insider.
Një javë pas publikimit të videos një fizikant në UCLA, Alexander Kusenko i dërgoi një email Muller ku shprehte haptazi dyshimet e tij duke thënë se një mjet i tillë do të thyente ligjet e fizikës. “Nëse ti je plotësisht i sigurt, le të vëmë një bast prej $10,000.” Iu përgjigj Muller.
Pasi Kusenko pranoi, në javët në vazhdim ata shkëmbyen shumë të dhëna dhe diskutuan rreth Blackbird. Ata përfshinë në këtë diskutim dhe emrat më të mëdhenj të shkencës si Bill Nye dhe Neil deGrasse Tyson për të argumentuar se cili prej tyre kishte të drejtë.
Në fund Muller doli fitimtar, pasi mjeti arriti shpejtësinë 44.5 km/h kur shpejtësia e erës ishte 16 km/h.
