Normale që amerikanët do zihen për letra higjenike, sepse në vend që të montojnë një bide të thjeshtë shkojnë dhe merren këtë:
Një WC, e pajisur me kamera për të skanuar dhe njohur shenjat e anusit.
Po. Siç skanojmë shenjat e gishtave do mund të skanojmë anusin.
Dhe prit përpara se të mendosh se ky do të jetë niveli i ri i sigurisë në dogana, jo nuk është ashtu,(akoma) është për qëllime shencore e gjitha.
Shkencëtarët e Stanfordit kanë krijuar këtë sistem për qëllime monitorimi të shëndetit publik. Secili individ do të ketë profilin e tij personal ku do të ruhet historiku i tij në formë makro datash për studime të shëndetit publik.
Sistemi bazohet në një nivel sigurie Two-Factor Authentication, çka siguron saktësi në kombinimin me urinën dhe kakën e duhur me personin e duhur, por edhe garanci në privatësi.
Precision Health Toilet ka 4 kamera: kamera e stolit, kamera e anusit, dhe dy uroflow të kombinuara.
Nuk dihet nëse versioni Pro Max do të ketë ndonjë kamera më shumë.
Dhe për tiu përgjigjur pyetjes që të lindi më lartë: Po.
Anusi, njësoj si shenja e gishtit, është unik! Bashkë autori i studimit Dr. Seung-min Park thotë se edhe vetë piktori i famshëm Salvador Dali (1904-1989) e kishte konstatuar se anusi ka 35 – 37 rrudha unike si shenjat e gishtit.
(Jo nuk e dimë nga e mori vesh Dali)
Të gjitha të dhënat do të ruhen në cloud dhe studimet do të përdoren për një infrastrukturë më të saktë diagnostifimimi për çrregullime dhe sëmundje të përgjithshme të popullatës.
Pra përveç historisë së browserit do të ruhemi edhe çfarë hamë.
